Bodegón con pastel. ca 1916. Museo do Prado.
Entre os anos 1590 e 1650, xurden en Anveres e Utrecht, os principais centros de pintura floral ao óleo, debido a influencia da publicación en Anveres de libros sobre botánica na segunda metade do século anterior, polo que nestes anos a pintura de flores e bodegóns eran denominadas como “pequeno banquete” ou ”peza floral”, antes do termo “bodegón” que non aparece nos Países Baixos ata o ano 1650. Clara, pertence a este primeiro grupo de artistas, entre os que figuraban Hans van Essen e Jan van der Beeck (de alcume Torrentius), pois dentre as 50 obras identificadas da artista, cinco representan “ramalletes”, as restantes son pinturas descriptivas de vaixelas con vasos, sobremesas e as veces flores.
Bodegón con queixo, pan e pretzels. 1612
A calidade das obras realizadas entre os anos que van desde 1907 ata 1921, e o tamaño dalgunhas e a produción que se conserva da artista, a presenta con toda seguridade como unha pintora profesional, atopándose a par dos seus contemporáneos Jacob van Hulsdonck e o antes citado Osias Beert. A destreza que mostran as súas primeiras obras fai supor que foi adestrada por algún pintor, pero non hai fontes que avalen esta teoría. É importante sinalar a meticulosidade no detalle, xa que Clara incluíu pequenos autorretratos en miniatura nos reflexos das copas dalgúns dos seus bodegóns, e tamén pode apreciarse a súa habilidade para pintar texturas. Clara Peeters dispón os obxectos sobre unha mesa: ramos de flores exóticas, luxosas pezas de prataría, variedade de alimentos como noces, queixos, pans, aves, mariscos, peces, todo sobre un fondo escuro. Nalgúns dos seus obxectos de metal vese reflectido o seu autorretrato en miniatura, o que pode ser tomado como unha firma adicional.
No hay comentarios:
Publicar un comentario